•  
  •  
  •  
  •  
  •  
  •  
  •  

मोरङको सुनवर्सी नगरपालिका–९ डायनियास्थित मुस्लिम बस्तीमा रहेको मस्जिदको सेफ्टी ट्याङ्कीमा निसास्सिएर चार जनाकाे मृत्यु भएकाे छ । सेफ्टीट्याङ्की निर्माण गर्ने क्रममा शनिबार साँझ उनीहरूकाे मृत्यु भएको हाे ।

निर्माणाधीन सेफ्टीट्याङ्की निर्माण गर्ने क्रममा बेहोस भएका उनीहरूकाे विराटनगरस्थित गोल्डेन अस्पतालमा उपचारका क्रममा मृत्यु भएको हो । मृत्यु हुनेमा सुनवर्सी नगरपालिका–९ बस्ने २० वर्षीय मोहमद फिरोज आलम, सोही ठाउँका २५ वर्षीय सहनवाद आलम, ४५ वर्षीय कपिल आलम र २२ वर्षीय मोहमद ओसिब आलम रहेको जिल्ला प्रहरी कार्यालय मोरङका प्रहरी नायब उपरीक्षक एवं प्रवक्ता घनश्याम श्रेष्ठले जानकारी दिए ।

अक्सिजनको कमीले बेहोस भएको अवस्थामा फेला परेका उनीहरुलाई उपचारका लागि विराटनगर लगिएको थियो । सोही स्थान बस्ने ४० वर्षीय दाउत मियाँको रङ्गेली अस्पतालमा उपचार भइरहेको छ । घटनाको बारेमा अनुसन्धान भइरहेको प्रहरीले जनाएको छ । रासस

LEAVE A REPLY

Please enter your comment!
Please enter your name here