•  
  •  
  •  
  •  
  •  
  •  
  •  

मेलम्ची, १६ साउन । सुनकोशी नदीले बगाउँदा बलेफी गाउँपालिका–७ स्थित बालशिक्षा माध्यमिक विद्यालयका एक विद्यार्थी बेपत्ता भएका छन् । आज बिहान ९ः१५ बजेको विद्यालय छेउको नदीले बगाउँदा कक्षा ७ मा अध्ययनरत विजय नेपाल बेपत्ता भएका हुन् ।

उनको खोजी कार्य भइरहेको छ । प्रहरी चौकी लामोसाँघुबाट गएका प्रहरी, विद्यालयका शिक्षक तथा स्थानीयवासीले खोजी गरिरहेका छन् । बल खेल्ने क्रममा खेलिरहेको बल खोलामा पुगेपछि उनी बल निकाल्नका लागि खोलामा पसेका थिए । “खेलिरहेको बल खोलामा पुगेपछि झिक्नका लागि गएक रहेछन्”, शिक्षक हरेराम नेपालले भन्नुभयो । रासस

यो पनि पढ्नु होस – बाढीबाट १५ करोडभन्दा बढीको क्षति

गौशाला, १६ साउन । जिल्लाको रातु, मरहा र औरही नदीमा आएको बाढीले ६ हजार ११२ मिटर तटबन्ध बगाएको छ । जनताको तटबन्ध फिल्ड कार्यालय २ महोत्तरीका अनुसार रातु नदीले चार हजार १७ मिटर, औरही नदीले दुई हजार ५० र मरहा नदीले ४५ मिटर तटबन्ध तथा रिभेटमेन्ट बगाउनाका साथै क्षतिग्रस्त बनाएको छ ।

सोबाट रु १५ करोड २३ लाख ८१ हजार मूल्य बराबरको क्षति भएको छ । मरहा नदीले बर्दिवास नगरपालिका–१० स्थित जुठेडाँडा, वडा नं ५ टुटेश्वर र खयरमारामा ४५ मिटर तटबन्ध तथा रिभेटमेन्ट बगाएका कारण १८ लाख ७५ हजार मूल्य बराबरको क्षति भएको छ ।

त्यस्तै औरही नदीले भङ्गहा नगरपालिका–९ कञ्चनवनमा १५० मिटर, लोहारपट्टी नपा–३ तपनपुरमा १०० मिटर र वडा नं २ बगडामा ४०० मिटर तटबन्ध बगाएको छ ।

त्यसैगरी धनुषाको क्षीरेश्वर नपा–५ महेन्द्रनगरमा ४५०, बटेश्वर गापा–५ धारटोलमा ६५०, बरदुवामा १५० र गदरिया पुल नजिकै १५० मिटर तटबन्ध बगाएका छन् । जसबाट रु एक करोड ४२ लाख ९० हजारको क्षति पुगेको छ ।
त्यस्तै रातु नदीले बर्दिवास नगरपालिका–६ को ६ स्थानमा ९८० मिटर तटबन्ध र रिभेटमेन्ट क्षतिग्रस्त बनाएको छ भने बर्दिवास नपा–९ पशुपतिनगरको पाँच स्थानमा एक हजार १३० मिटर तटबन्ध बगाएको छ ।
त्यस्तै भङ्गहा नपाको हतिसर्वा र सिङ्ग्याही–४ स्थानमा ३८० मिटर तटबन्ध बगाएको छ । त्यस्तै बलवा नपा–११ भलनी भगवतीपुरको ६ स्थानमा ४५० मिटर तटबन्ध बगाएको छ ।
त्यसैगरी लोहारपट्टी नपाको डठौरा र लोहारपट्टीको चार स्थानमा ४३० मिटर तटबन्ध बगाएको छ । त्यस्तै एकडारा गाउँपालिका–६ को कोल्हुवा, बगेया, दुधमुहान र पुनर्वासटोलको सात स्थानमा ४१२ मिटर तटबन्ध बगाएको छ ।
महोत्तरी गाउँपालिका–३ मलङ्गस्थान, दुधान लगायतको ६ स्थानमा ३८० मिटर तटबन्ध बगाएको हो । यसरी रातो नदीको बाढीबाट ६ करोड नौ लाख ६२ हजार मूल्य बराबरको तटबन्ध क्षतिग्रस्त भएको हो । क्षतिग्रस्त तटबन्ध पुनर्निर्माणका लागि बजेटको अभाव भएको जनताका तटबन्ध फिल्ड कार्यालय २ महोत्तरीका प्रमुख भिलानन्द यादवले बताउनुभयो ।

उहाँले तटबन्धको पुनर्निर्माणका लागि जिल्ला दैवी प्रकोप उद्धारमार्फत बजेट उपलब्ध गराउनका लागि विभागमा पत्राचार गरिएको बताउनुभयो । रासस

LEAVE A REPLY

Please enter your comment!
Please enter your name here