धनकुटा जेष्ठ २ ,
धनकुटाको ६० वडा मध्ये नेकपा एमालेको तर्फबाट एक मात्र महिला वडा अध्यक्षको उम्मेदवार सम्झना आले विजयी भएका छन् ।आले पाख्रीबास नगरपालिकाको वडा नं ९ बाट एमालेका तर्फबाट प्रत्यासी हुनुहुन्थ्यो ।
आलेले ७२ मतान्तरले जितेका हुन् । परिणाम अनुसार आलेले ६ सय १२ मत ल्याएका छन् भने उहांका प्रत्यासी गठबन्धनबाट नेपाली कांग्रेसका धन बहादुर माेक्तान ५ सय ४० मत प्राप्त गरेका छन् ।
त्यस्तै महिला सदस्य तर्फ एमालेका तारादेवी ढकाल धमला ६ सय २५ मत ल्याएर बिजयी भएका छन् भने वहांका निकटकम प्रतिद्वन्दी नेकाका फुलमाया तामांङले ५ सय २६ मत प्राप्त गरेका छन् !खुला सदस्य १ मा एमालेका पहलमान घिसिंगले ६ सय २४ र मदन कुमार आलेले ६ सय २० मत ल्याएर बिजयी भएका छन् भने निकटतम प्रतिद्वन्दी नेकाका आइत सिंह दर्लामीले ५ सय ११ र नगेन्द्र मोक्तानले ५ सय ६ मत प्राप्त गरेका छन् । दलित महिला सदस्य तर्फ नेपाली कांग्रेसका डम्बर माया दर्जी यसअघि नै निर्विरोध निर्वाचित भइसकेका छन् ।
