काठमाडौं ,
नेपाल चेम्बर अफ कमर्सले टर्कीका भूकम्पबाट पीडित नागरिकलाई राहत सामग्री सहयोग गरेको छ । टर्कीमा गएको महाभूकम्पका कारण प्रभावित भएका नागरिकहरुका लागि मानवीय सहायता स्वरुप ५ सय थान पस्मिनाका वस्तु र अक्सिजन कन्सन्ट्रेट सहयोग गरिएको चेम्बरका अध्यक्ष राजेन्द्र मल्लले जानकारी दिए ।
नेपालमा २०७२ सालको विनासकारी भूकम्प जाँदा टर्कीले पनि राहत सामग्री उपलब्ध गराएको स्मरण गर्दै अध्यक्ष मल्लले प्राकृतिक विपद्मा एक अर्का देशका नागरिकलाई मानवीय दृष्टिकोणले सहयोग गर्नुपर्ने बताए ।
चेम्बर अफ कसर्सले यसअघि अफगानिस्तानमा पनि मानवीय सहायता अन्तर्गत आर्थिक सहयोग गरेको थियो ।
