चैत ९, ललितपुर – क्रिश्चियन मिडिया सोसाइटी (CMS) ले ललितपुरमा सम्पन्न आफ्नो साधारण सभामार्फत नयाँ कार्यसमिति चयन गरेको छ। संस्थाको नयाँ नेतृत्वको जिम्मेवारी विश्वास थापाले सम्हाल्ने भएका छन्।
७ सदस्यीय कार्यसमितिमा उपाध्यक्षमा कुमार अब्राहम, सचिवमा गोविन्द कामी, कोषाध्यक्षमा निगम सुन्दास तथा सदस्यहरूमा अजय कार्की, नहुम गाहा र सञ्जय बर्मा चयन भएका छन्।
नवनिर्वाचित अध्यक्ष एवं पत्रकार विश्वास थापाले सम्पूर्ण क्रिश्चियन समुदायको आवाज सशक्त रूपमा उठाउने प्रतिबद्धता व्यक्त गर्दै संस्थालाई अझ मजबुत बनाउने लक्ष्य रहेको बताए।
