ललितपुर । ललितपुरको ग्वार्कोस्थित गुणा सिनेमा (Guna Cinema) औपचारिक रूपमा पुनः सञ्चालनमा आएको छ। अब यो सिनेमा नेपालको अग्रणी चलचित्र प्रदर्शक QFX Cinemas को व्यवस्थापनमा सञ्चालन भइरहेको छ।

पुनः सञ्चालनमा आएको गुणा सिनेमामा दर्शकका लागि ८ वटा अत्याधुनिक स्क्रीन उपलब्ध गराइएको छ। आधुनिक प्रविधिसहितको चलचित्र अनुभव प्रदान गर्ने उद्देश्यले सिनेमामा Dolby Atmos साउन्ड सिस्टम, ४K लेजर प्रोजेक्सन तथा विशेष सुविधा सम्पन्न प्राइभेट प्लेटिनम लाउन्ज समेत व्यवस्था गरिएको छ।

QFX Cinemas ले गुणस्तरीय सेवा, उत्कृष्ट ध्वनि तथा स्पष्ट दृश्य प्रविधिमार्फत दर्शकलाई अन्तर्राष्ट्रिय स्तरको चलचित्र अनुभव उपलब्ध गराउने जनाएको छ।

ग्वार्को क्षेत्रमा रहेको यो सिनेमा पुनः सञ्चालनमा आएपछि ललितपुरका साथै काठमाडौं उपत्यकाका चलचित्रप्रेमीका लागि नयाँ आकर्षण थपिएको छ।

दर्शकहरूले चलचित्रको समय तालिका हेर्न तथा टिकट बुकिङ गर्न Guna Cinema मार्फत जानकारी प्राप्त गर्न सक्नेछन्।